Hangtod alas-6 sa buntag niadtong Disyembre 31, 2025, gipagawas sa Department of Health (DOH) Central Visayas Center for Health Development ang pinakabag-ong datos sa rehiyon kabahin sa mga samad tungod sa disgrasya sa dalan, mga sakit nga may kalabotan sa lifestyle, ug mga kadaot tungod sa pabuto.
Ang maong impormasyon gikompyut base sa mga report sa sentinel ug non-sentinel hospitals gikan Disyembre 21 hangtod Disyembre 31, 2025.
Sa niining holiday season, gihangyo sa DOH ang tanan nga unahon ang kaluwasan ug kahimsog. Magbantay kanunay kon nagbiyahe, ampingan ang mga naa nay sakit, ug likayan ang paggamit sa pabuto, ilabi na ang mga iligal. Kon dili malikayan ang paggamit niini, sigurohon nga sa gitakdang lugar ra kini pabuthon.
Sa oras sa emerhensiya, tawagi dayon ang National Emergency Hotline 911 o ang DOH Central Visayas Regional Patient Navigation and Referral Unit sa #0711.
Gipahibalo usab sa DOH nga posible nga magkalahi ang pipila ka numero sa datos tungod sa padayon nga validation ug reconciliation sa mga report.
Source: DOH-7
I via Renante Socia Lada