Gipahigayon sa Bureau of Fire Protection Region 9 ang usa ka open house activity niadtong Disyembre 31, 2025 isip kabahin sa Oplan Paalala: Iwas Paputok, ubos sa pagpangulo ni Regional Director Fire Chief Superintendent Jerry Duhina Candido ug Provincial Fire Marshal sa Zamboanga del Norte Fire Superintendent Richard C. Timosa, nga gi-supervise ni Acting Municipal Fire Marshal SFO4 Ronald D. Vallecer.
Tumong sa kalihukan ang pagpataas sa kahibalo sa katawhan bahin sa fire safety, pagpalig-on sa relasyon sa komunidad, ug pagpakita sa kahandam ug kapasidad sa mga bombero ug sa ilang mga kagamitan sa pag-atubang sa emerhensiya atol sa pagsaulog sa Bag-ong Tuig.
Gipasig-uli sa BFP ang pahinumdom sa publiko nga maglikay sa delikadong paputok ug magpabiling alerto aron malikayan ang sunog ug mga disgrasya, samtang padayon ang kahandam sa ahensya sa pagpanalipod sa kinabuhi ug kabtangan sa katawhan.(JENIFFER JR. DELICA)
Source: BFP R9 Jose Dalman Municipal Fire Station