Nakasikop ang Danao City Police Station og upat ka tawo sa iligal nga sabong o “tigbakay” sa Sitio Taboc, Barangay Guinacot, Danao City, Cebu, niadtong Enero 18, 2026.
Gibuhat ang operasyon human makadawat ang duty desk officer og report gikan sa usa ka babaye nga nangayo nga dili ipadayag ang iyang ngalan.
Pag-abot sa lugar, nakumpirmar sa mga pulis nga nagpadayon ang iligal nga sabong.
Ang nadakpan nga suspects mao sila: alias “Albert,” laborer; alias “Ricardo,” walay trabaho; alias “Erwin,” driver; ug alias “Aderito,” walay trabaho, tanan residente sa Guinacot, Danao City.
Gikuha usab sa mga pulis ang ebidensya sama sa ₱650 nga kwarta, duha ka patay nga manok, ug duha ka steel gaff. Giingon ni Cebu Police Provincial Director PCOL Abubakar Udang Mangelen Jr. nga seryoso ang kapulisan sa pagpakgang sa iligal nga sabong ug nag-awhag sa publiko nga magpadayon sa pag-report sa mga kalapasan.
Source: CPPO
I via Renante Socia Lada