Gisuspenso sa daghang siyudad ug lungsod sa Cebu ang klase karong adlawa, Hulyo 10, 2026. Nunot kini sa ashfall o abo nga gikan sa pag-ulbo sa Bulkang Kanlaon. Gihimo kini aron mapanalipdan ang kahimsog ug kaluwasan sa mga estudyante ug mga magtutudlo.
Apil sa walay klase ang Cebu City, Lapu-Lapu City, Mandaue City, Danao City, Carcar City, Naga City, Talisay City, ug daghan pang ubang lungsod sa lalawigan sa Cebu. Sa kadaghanan sa mga lugar, suspendido ang klase sa tanang lebel sa publiko ug pribadong eskwelahan.
Sa Santa Fe ug San Fernando, magpadayon ang suspensyon sa klase hangtod adunay bag-ong pahibalo gikan sa ilang lokal nga panggamhanan.
Giawhag ang mga ginikanan ug estudyante nga pirmi mosubay sa opisyal nga pahibalo sa ilang LGU ug eskwelahan alang sa bag-ong update. Gidasig usab ang tanan nga mag-amping ug magsul-ob og face mask kung mogawas aron malikayan ang epekto sa ashfall.
I via Renante Socia Lada