Padayon ang operasyon sa Cebu Police Provincial Office (CPPO) ubos sa Safer Cities Initiative aron mapadayon ang kalinaw ug kahapsay sa Cebu Province. Kagahapon Hulyo 9, 2026, 504 ka tawo ang nadakpan atol sa 249 ka police operations.
Sa maong gidaghanon, 377 ka mga nakalapas ang gipamulta samtang 127 ka tawo ang gipahimangnoan ug gipagawas. Mokabat sa ₱157,390 ang kantidad sa mga multa nga nakolekta.
Lakip sa mga paglapas ang pag-inom og ilimnong makahubog sa publiko, pagpanigarilyo sa gidili nga lugar, paglapas sa curfew sa mga menor de edad, sobra nga oras sa karaoke, ug uban pang paglapas sa lokal nga ordinansa. Kadaghanan sa nadakpan kay tungod sa paglapas sa mga traffic ordinance.
Matod sa kapulisan, ang maong operasyon kabahin sa kampanya sa DILG aron mapalig-on ang seguridad ug mapugngan ang krimen. Giawhag usab sa CPPO ang mga lumulupyo nga motuman sa mga balaod ug lokal nga ordinansa aron magpabiling luwas ug malinawon ang komunidad.
📸 CPPO
I via Renante Socia Lada