Gihatagan og Medalya ng Pambihirang Paglilingkod ni Police General Jose Melencio C Nartatez Jr., Chief sa Philippine National Police (PNP), si Police Brigadier General Redrico A. Maranan, Regional Director sa Police Regional Office 7 (PRO7), isip pag-ila sa iyang talagsaong liderato atol sa Fiesta Señor ug Sinulog Festival nga nahuman nga walay natalang dakong krimen.
Ang maong medalya usa sa pinakataas nga pasidungog nga gihatag sa PNP sa mga pulis nga nagpakita og talagsaong serbisyo, dedikasyon, ug kahanas sa operasyon.
Isip Task Group Commander, gipangulohan ni PBGen Maranan ang usa ka komprehensibo ug intelihente nga security plan aron masiguro ang kaluwasan sa minilyon ka deboto, residente, ug turista atol sa usa sa labing dagkong relihiyoso ug kultural nga kalihokan sa nasud.
Ubos sa iyang pagpangulo, nakigtinabangay ang PRO7 sa Armed Forces of the Philippines, Bureau of Fire Protection, Philippine Coast Guard, lokal nga kagamhanan, ug uban pang ahensya. Tungod niini, nahimong usa sa pinakaluwas nga pagsaulog sa Sinulog sa miaging mga tuig.
Nagpasalamat si PBGen Maranan sa pag-ila ug giingon nga ang maong pasidungog alang sa tanang kapulisan ug kauban nga nagserbisyo ug nanalipod aron masiguro ang malinawon ug malampusong Sinulog.
Source: PRO7 -PIO
I via Renante Socia Lada
#rpndykccebu