Nakab-ot na usab sa Police Regional Office 7 (PRO7) ang “Outstanding” nga rating ubos sa Unit Performance Evaluation Rating (UPER) system human makakuha og 87.91 porsyento nga adjectival rating alang sa bulan sa Disyembre.
Misunod kini sa 88.07 porsyento nga Outstanding rating sa Nobyembre, nga nagpasabot duha ka sunod nga bulan nga taas og performance ang PRO7 kumpara sa ubang Police Regional Offices sa tibuok nasud.
Sumala ni Police Brigadier General Redrico A. Maranan, Regional Director sa PRO7, ang maong rating nagpakita sa padayon nga epektibong operasyon, disiplina sa mga personnel, ug hugot nga pagsunod sa mga polisiya ug sumbanan sa organisasyon.
Matod pa niya, ang duha ka sunod nga Outstanding rating magdasig kanila nga maningkamot pa og ayo aron mapadayon ang kaluwasan ug seguridad sa tibuok Central Visayas.
Ubos sa UPER, nakakuha og taas nga marka ang PRO7 tungod sa ilang kampanya batok sa krimen, propesyonal nga pamatasan sa kapulisan, ug tukmang pagsunod sa mga direktiba ug report nga gikinahanglan sa nasudnong hedkuwarter.
Source: PRO7 PIO
I via Renante Socia Lada
#rpndykccebu