Cebu: Cordova LGU Mopa-Imbestiga Sa Nangangkong Tag-Iya Sa Lugar Sa Bantayan Bay Ug Mi Koral Sa Baybayon/Pontod (Sandbar)

0
402

Cebu City – Ipa-imbestiga sa lokal nga kagamhanan sa lungsod sa Cordova ang gi-reklamong pag koral sa baybayon/pontod (sandbar) sa Bantayan Bay, usa ka pampublikong beach sa maong lungsod.

Kaganinang buntag, Nobyembre 2, 2021, human sa pagpahigayon sa flag raising ceremony, milahos si Mayor Teche Sitoy-Cho sa pagsubay sa dapit nga gikoralan sa mga wala mailhing tawo.

Sa impormasyon gikan sa Municipality of Cordova FB Page, gikuyogan si Mayor Cho ni Marine Watch Head Mr. Felix Pacaldo, kinsa usa sab sa mga mi responde kagabii atol sa pagpangoral sa maong dapit.

“Gipangayoan kini og mga dokumento sama sa fencing permit ug titulo apan wa kini gikapakita. Apan matod pa duna sila’y tax declaration,” mensahi gikan sa kagamhanan sa Municipality of Cordova

Gipatin-aw ni Municipal Assessor Engineer Nazario Sumalinog nga ang tax declaration dili usa ka pamatuod sa pagpanag-iya sa usa ka luna.

Samtang usa ka opisyal sa Association of Bangkero sa Cordova mipa ambit sab sa ilang kasinatian sa pagtangtang sa koral kagabii.

Gi-angkon sa maong opisyal nga gikuyogan hinoon sila ug sakop sa kapolisan sa Lungsod sa Cordova.

“aligre kaayo diri gabee sir kay gekural sa bora bora ang hunasan nya among gepang guna ang kural nagpa bak up me ug police,”mensahi sa opisyal sa grupo sa mga bangkero.

Una niini mangutana ang usa sa mga opisyal sa asosasyon sa bangkero nga pwede ba diay mapa nag-iya ang pontod ug pribado nga indibidwal.

Ang mga bangkero sa Bantayan Bay sa Cordova nagsalig sa maong spot, diin mangaligo ang taga Cordova ug mga silingan nga lugar.

Gikan sa baybayon ilang ihatud ngadto sa pontod ug sa may bakhawan sa plete nga tag P10 kada usa ka pasahero.

(News & photo courtesy of Municipality of Cordova Facebook page)

Leave a Reply