Malampusong gilusad sa kagamhanang lokal sa Cagayan de Oro karong adlawa, Oktubre 29 ning tuig ang pagpamakuna batok COVID-19 sa mga 12 hangtod 17 anyos nga dunay comorbidity nga gipahigayon sa Jr Borja General Hospital.
Misaksi sa symbolic launching sa pediatric vaccination ang mga kadagkuan sa JRBGH, Department of Health Region 10, ug represante sa mga private hospitals sa syudad.
Sa pagkakaron wala gitugot ang walk-in sa mga vaccination sites sa 12-17 years old.
Kinahanglan usab ubanan sa ginikanan o ‘guardian’ ang bata nga bakunahan.
Ang Moderna ug Pfizer vaccines ang adunay emergency use authorization sa Philippine Food and Drugs Administration nga mahimong itupok sa 12-17 anyos. (AGP)
(Source: Cagayan de Oro City Philippines Facebook page, photo courtesy by Roel Felicitas | City Information Office)