Nasikop sa Consolacion Municipal Police Station ang usa ka lalaki tungod sa ilegal nga pagpanag-iya og pusil atol sa pagpatuman sa search warrant niadtong Enero 30, 2026 sa Sitio Bagakay, Barangay Tayud, Consolacion, Cebu.
Ang suspek giila lang sa alyas nga “Mykel,” residente sa maong lugar. Ang operasyon gipangulohan sa mga kapulisan sa Consolacion MPS ubos sa Cebu Police Provincial Office.
Atol sa legal nga pagpangita, narekober sa pulisya ang usa ka caliber .38 nga revolver, duha ka bala sa maong kalibre, ug usa ka itom nga sling bag nga gigamit sudlanan sa pusil. Ang suspek wala kapalita sa legal nga papeles sa pagpanag-iya sa armas.
Gidakop dayon ang suspek ug gipahibalo siya sa iyang kaso ug sa iyang mga katungod subay sa balaod. Siya karon anaa sa temporaryo nga kustodiya sa Consolacion Police samtang gihuman ang mga dokumento alang sa pagsumiter sa kaso sa korte.
Gidayeg ni Cebu Police Provincial Director PCOL Abubakar Udang Mangelen Jr. ang arresting team ug miingon nga importante ang intelligence-driven nga operasyon aron matangtang ang mga ilegal nga pusil sa komunidad.
Padayon usab ang CPPO sa pagpahugot sa kampanya batok sa ilegal nga armas ug nag-awhag sa publiko nga motabang pinaagi sa pagreport sa mga kadudahang kalihokan sa ilang lugar.
Source: CPPO
I via Renante Socia Lada