Gidayeg ang Coast Guard Working Dog nga si Kidlat human kini nakatabang sa pag-identify ug pagpangita sa mga biktima nga natabunan sa pagdahili sa mga basura.
Ang tabang ni Kidlat dako kaayo’g nahatag sa nagpadayon nga search and rescue operations sa lugar.
Sumala kang Philippine Coast Guard (PCG) Spokesperson Captain Noemie Cayabyab, padayon nga gipakusog sa PCG ang pagpangita aron matultulan ang tanang nawalang personalidad sa landfill, kauban ang lain-laing ahensya ug sektor nga mitabang sa operasyon.
Gisulti sa PCG nga importante kaayo ang papel sa Coast Guard Working Dogs sama ni Kidlat tungod sa ilang abilidad sa pagpanimaho, ilabi na sa mga sitwasyon nga lisod sudlon ug delikado para sa mga rescuers.
Matod pa sa PCG, subay sa direktiba ni Pangulong Ferdinand R. Marcos Jr. ilalom sa programa nga Bagong Pilipinas, gipadayon ang pagpalig-on sa disaster response ug humanitarian assistance, lakip na ang training ug pag-deploy sa mga working dogs kung adunay kalamidad.
Nagpasalamat ang PCG sa tanang ahensya ug boluntaryo nga mitabang sa search and rescue operations.
Padayon usab ang ilang panawagan sa publiko nga magpabiling alerto ug makigtambayayong sa mga awtoridad sa panahon sa mga emerhensya.
Source: PCG
I via Renante Socia Lada