Gipadayon sa Cebu City Police Office (CCPO) ang ilang kampanya aron mapalig-on ang kaluwasan sa mga dalan ug mapakunhod ang mga aksidente sa trapiko pinaagi sa hugot nga pagpatuman sa mga balaod sa karsada.
Gipahinumdoman sa kapulisan ang mga drayber ug mga motorista nga likayan ang paggamit sa cellphone samtang nagmaneho, magsul-ob kanunay og seatbelt ug helmet, motuman sa speed limit, ug dili magmaneho kon nakainom og makahubog nga ilimnon.
Sumala sa CCPO, importante usab ang pag-amping sa dalan pinaagi sa pagtan-aw una sa dili pa motabok, pagdrayb nga adunay disiplina ug paglikay sa mga butang nga makasamok sa pagtagad sa karsada. Gidasig usab ang mga motorista nga siguruhong maayong kondisyon ang ilang sakyanan aron malikayan ang mga aksidente.
Gipasiugda sa kapulisan ang kamahinungdanon sa responsable nga pagdrayb pinaagi sa pagrespeto sa ubang tiggamit sa dalan, pagsunod sa mga traffic signs ug signal lights, ug pagpakita og pasensya ug pagkamatinahuron sa karsada.
Matud pa sa CCPO, ang kaluwasan sa publiko mao ang ilang prayoridad ug ang kooperasyon sa tanang motorista ug pedestrian maoy dakong tabang aron maluwas ang kinabuhi ug malikayan ang mga disgrasya sa dalan.
I via Renante Socia Lada