Cebu City – Giangkon ni kanhi environment secretary ug karon Cebu City consultant Roy Cimatu nga lisud gyud ang pag sulbad sa problema sa baha sa syudad kung itande sa iyang mga assigments kaniadto.
Ang mga kanhi gipang trabaho ni Cimatu naglakip sa pag limpyo ug pag hapsay sa Isla sa Boracay, Pasig River ug Marikina River.
Atol sa press conference, Hwebes, Septembre 15, 2022, gipahibaw ni Cimatu nga ang geographical size ug scope of work sa Dakbayan sa Sugbo, lahi sa iyang gipang handle sauna.
Dugang pahibaw ni Cimatu nga dunay ipahigayon nga massive dredging sa mga dagkong sapa ug waterways sa syudad.
Gitakda kini sa adlawng Sabado, Septembre 17.
Gisugdan ug susi ni Cimatu ang dagayday sa Lahug River duol sa Pier 3, uban sa mga sakop sa Cebu City Disaster Risk Reduction and Management Office.
Sa nalambigit nga kalambuan, gipaabot nga mopasaka ug Writ of Kalikasan ang dakbayan sa tinguha nga maka kuha ug kamanduan sa korte alang sa pagpadayon nga pagpang limpio sa kasapaan ug mga waterways.
Ang syudad sa Sugbo pinaagi ni Mayor Michael Rama nagtinguha nga mahimong susama ka malamboun sa Singapore. (Jhon Tadlip Jr.)
(News & photo courtesy of Cebu City PIO | Raquel Arce)