Banda alas siete cuarenta del noche del Septiembre 14, 2022 el maga intel operativas del Zamboanga City Mobile Force Company (ZCMFC) que ta encabeza si PSMS Ronald C. Cordero hunto con el maga personahes del Police Station 7 ya conduci anti-illegal gambling operation contra illegal juego de “piyat-piyat” na Dulaca Drive, Barangay Tumaga en este ciudad.
Durante el operasyon ya puwede aresta con el tres persona que ya identifica como si Reynalodo Intencion Auditor, cincuentay nueve anyos el edad, casaw y un school maintenance, Enrique Ledama Solambao, trenta’y seis anyos el edad, casaw y un construction worker y si Edgardo Medalle Quimba,seissenta anyos el edad y ambos residente del mencionao barangay.
Ya puwede confisca na durante el operasyon un set del baraha y sen de apuesta que tiene valor de cuatro cientos trenta na diperentes denominasyon. Con el maga arestao persona y maga item que ya confisca ya llyeva ya na stasyon del Police Station 7 para na propio desposisyon. (April Boy Regino)