Ang operasyon gipangulohan sa Pinamungajan Municipal Police Station uban sa ubang yunit sa Police Regional Office 7 (PRO7), Cebu Police Provincial Office, ug mga intelligence unit gikan sa Bukidnon. Nadakpan ang suspetsado pinaagi sa warrant of arrest nga gipagawas sa Regional Trial Court sa Malaybalay City, Bukidnon.
Ang suspek, nga lumad sa Bukidnon apan temporaryong nagpuyo sa Pinamungajan, nag-atubang og pito ka kaso sa statutory rape. Wala usab girekomendar nga piyansa ang iyang mga kaso. Sa pagkakaron, anaa siya sa kustodiya sa Pinamungajan Municipal Police Station samtang gihulat ang iyang pagbalhin ngadto sa korte nga nagpagawas sa warrant.
Sumala ni PRO7 Regional Director PBGEN Arnold E. Abad, ang malampusong pagdakop resulta sa maayong koordinasyon ug pagtinabangay sa nagkadaiyang yunit sa kapulisan. Matud pa niya, padayon ang PNP sa pagpangita ug pagdakop sa mga wanted person aron masiguro nga matubag ang hustisya ug mapanalipdan ang kababayen-an, kabataan, ug ang komunidad.
Padayon usab ang PRO7 sa pagpahigpit sa ilang manhunt operations batok sa mga wanted person sa tibuok Central Visayas isip kabahin sa kampanya sa kapulisan aron mapadayon ang kalinaw, kaluwasan, ug pagpatuman sa balaod.
I via Renante Socia Lada