Tungod sa grabeng trapiko paingon sa amihanang bahin sa Sugbo, gibalik sa Cebu Provincial Government ang hangyo nga magkahiusa ang tanan sa paghatod sa tabang alang sa mga biktima sa linog, pinaagi sa han-ay nga mga hub imbes nga magkatagkatag og tagsa-tagsa ngadto sa apektadong mga lugar.
Gisugyot sa Kapitolyo nga kadtong mga donors nga padulong na sa amihanang Sugbo, mobalik na lang ug ihulog ang ilang mga donasyon sa Provincial Donation Hub nga nahimutang sa Danao City Boardwalk, nga karon abli na ug andam modawat og tabang.
Kini nga donation hub gitukod pinaagi sa partnership tali sa Danao City Government ug sa Kapitolyo aron malikayan ang kalas sa oras tungod sa trapiko, masiguro ang hapsay nga pag-apod-apod sa tabang, ug mapaabot dayon kini sa mga lugar nga grabe naapektuhan sa linog.
Ang Capitol warehouse ug ang Sacred Heart School–Ateneo de Cebu Gym sa General Maxilom Avenue abli usab aron modawat sa mga donasyon.
“We discourage small donation drives traveling to the north from Cebu City as it will take approximately 10 hours to reach the affected areas,” the advisory stated. “We urge donors and volunteer groups to coordinate with the Provincial Donation Hub in Danao City instead.”
Ang hub sa Danao magserbisyo isip collection ug convergence point sa tanang mga donasyon, nga pagkahuman mapundok dayon ug ipadala sa mga lungsod nga pinaka aoektado sa linog.
Source: Cebu Province
I via Renante Socia Lada and John Tadlip Jr
RPN DYKC CEBU
675 KHZ AM BAND