Gipahibalo ni Gobernador Pamela S. Baricuatro nga maghatag ang Cebu Provincial Government og pinansyal nga tabang alang sa Davao Oriental, human sa kusog nga magnitude 7.6 nga linog nga miigo sa maong probinsya sa sayong buntag, Oktubre 10, 2025.
Sumala sa Gobernadora, ang eksaktong kantidad sa tabang pinansyal ipasa pa sa Cebu Provincial Board aron maaprubahan ug mapagawas ang pondo alang sa mga apektadong residente.
Nagpadayag usab si Gob. Baricuatro sa iyang pag-ampo ug simpatiya alang sa katawhan sa Davao Oriental ug sa ubang kasikbit nga lugar nga naapektuhan sa kalamidad.
Matod pa sa Gobernadora, nagpakita kini sa panaghiusa ug kalooy sa mga Sugbuanon alang sa mga Mindanawon nga nakasinati sa grabeng katalagman.
Source: Cebu Province PIO
I via Renante Socia Lada