Sa wala pa molabay ang lima ka bulan, gikan Enero 12 hangtod Hunyo 2, 2025, ang Cebu Police Provincial Office (CPPO) mipakita sa ilang hugot nga determinasyon sa pagkignatok sa krimen ug pagtuman sa hustisya pinaagi sa pagserb og 876 ka warrant of arrest sa 758 ka operasyon, nga miresulta sa pagkadakop sa 726 ka wanted nga mga indibidwal.
Sa maong mga operasyon, 82 niini mga Most Wanted Persons (MWPs) ug 644 ang laing mga Wanted Persons (OWPs). Usa usab ang namatay atol sa operasyon (Died in Police Operation o DPO). Bisan tuod walay nadakpan nga MWPs nga adunay ganti sa ilang ulo niining panahona, nagpamatuod kini sa walay hunong nga paningkamot sa mga sakop sa CPPO.
Gipasidunggan ni PCOL JOVITO M. ATANACIO, Acting Provincial Director sa Cebu PPO, ang paningkamot sa iyang mga sakop ug giila ang ilang dedikasyon sa kaluwasan sa publiko.
Nagpadayon ang Cebu PPO sa ilang suporta sa tinguha sa PNP alang sa Bagong Pilipinas nga gipasiugdahan sa balaod, kaayohan, ug pagpanubag.
Source: CPPO
I via Renante Socia Lada