Kagahapon Oktubre 4, 2025, alas 5:00 sa hapon, ang Probinsya sa Sugbo nakadawat na og kinatibuk-ang ₱66,340,992.40 nga pinansyal ug in-kind donations alang sa relief ug recovery efforts para sa mga biktima sa linog sa amihanang bahin sa lalawigan.
Ang maong tabang naglakip sa mga pagkaon, tubig, sinina, mga hygiene kits, ug ubang panginahanglanon nga ipanghatag sa mga pamilya nga naapektuhan sa linog. Daghan usab sa mga donasyon gikan sa pribadong kompanya, NGOs, ug mga indibidwal nga gusto motabang.
Gipasalamatan sa Cebu Provincial Government ang tanang donors ug boluntaryo nga nagpakita sa ilang tinuod nga gugma ug kalooy alang sa mga kaigsoonan nga nawad-an og balay ug panginabuhi. Ang Kapitolyo nagpadayon sa pagkolekta ug pag-apod-apod sa tabang pinaagi sa mga hiniusang donation hubs.
Gipangayo usab sa Kapitolyo ang padayon nga kooperasyon sa publiko aron masiguro nga ang tanan nga donasyon mahatod dayon sa mga lugar nga pinaka apektado sa kalamidad.
Source: Cebu Province PIO
I via Renante Socia Lada