DAVAO CITY— Patay ang SK Chairman sa Barangay Población 5 human gi-ambush sa mga armado nga sakay og motorsiklo bandang alas 10:00 sa buntag, Sabado, Oktubre 4, 2024.
Giila sa mga otoridad ang biktima nga si Prince Mohaz Matanog, nga dead on arrival pag-abot sa ospital.
Sumala sa inisyal nga imbestigasyon, sakay si Matanog sa usa ka SUV uban ang iyang igsoon nga si Muamar, ug pag-abot nila sa daplin sa Jose Lim Street ug Sinsuat Avenue sa Barangay Población 5, kalit silang gipusil sa mga suspek nga naggamit og motorsiklo.
Nasamdan si Muamar samtang dali usab nga naglusad og hot pursuit operation ang mga elemento sa Police Station 1, Cotabato City. Naabtan sa mga otoridad ang mga armado ug nagkabikilay og pinusilay, diin usa sa mga suspek ang naigo samtang usa usab ka Patrolman ang nasamdan.
Bisan pa man, nakasibat gihapon ang ubang mga suspek. Sa SOCO nga imbestigasyon, nakuha ang 94 ka basyo sa bala sa crime scene.(Camille Santos Naraga)(Source: Contributed)