Nasikop sa kapulisan ang usa ka residente sa Mambaling, Cebu atol sa buy-bust operation nga gipahigayon sa Cebu City Maritime Police Station sa J. De Veyra St., Brgy. Carreta, Cebu City, sa najalabay na adlaw.
Ang suspek nadakpan samtang nagbaligya og usa ka juvenile Coral Glow Iguana, usa ka wildlife species nga gilakip sa balaod nga protektado sa nasud.
Sumala sa kapulisan, atubangon sa suspek ang kaso ubos sa Section 27 Paragraph (e) sa RA 9147 o ang Wildlife Resources Conservation and Protection Act, ug adunay kalambigitan usab sa RA 10175 o Cybercrime Prevention Act of 2012.
Sa pagkakaron, anaa sa kustodiya sa Cebu City Maritime Police Station ang suspek, kauban ang naluwas nga wildlife species samtang nagpadayon ang imbestigasyon sa maong insidente.
I via Renante Socia Lada