Padayon ang Police Regional Office 7 (PRO7) sa ilang 24/7 nga anti-criminality operations samtang nagkaduol ang holiday season aron masiguro ang kaluwasan sa katawhan sa Central Visayas.
Gikan Disyembre 22 hangtod 23, 2025, nagpatuman ang PRO7 og lain-laing proaktibong operasyon nga adunay maayong resulta. Sa anti-drug operations, 40 ka tawo ang nadakpan ug 195.02 gramos sa iligal nga drogas ang narekober, nga gibanabanang nag kantidad og ₱1,326,136.
Sa operasyon batok sa iligal nga armas, upat ka suspek ang nadakpan ug upat ka pusil ang nakuha. Samtang sa pagdakop sa mga wanted persons, lima ka tawo ang nasikop. Sa operasyon batok sa iligal nga sugal, 11 ka tawo ang napusasan ug nakuha usab ang kwarta sa pusta.
Matod ni PBGEN Redrico A. Maranan, Regional Director sa PRO7, dili gyud mohunong ang ilang mga operasyon bisan pa sa holidays. Kini, ingon niya, nagpamatuod sa ilang dedikasyon sa paglikay sa krimen ug pagpanalipod sa katawhan.
Pinaagi sa hugot nga seguridad, hiniusang operasyon, ug kanunay nga pagbantay, padayon ang PRO7 sa pagpaniguro nga luwas ang mga komunidad sa Central Visayas niining holiday season.
Source: PRO7 PIO
I via Renante Socia Lada