Pormal nga pormal sa Cebu City Government ang 12 ka bag-ong dump truck ngadto sa 12 ka barangay atol sa usa ka seremonya nga gihimo sa Plaza Sugbo, atubangan sa Cebu City Hall, kagahapon. Kabahin kini sa paningkamot sa kagamhanan sa siyudad nga mapaayo ang solid waste management ug mas mapadali ang koleksyon sa basura sa matag barangay.
Ang mga dump truck nagkantidad og hapit ₱95 milyones ug gilauman nga dako og tabang sa mga barangay, ilabi na sa ilang adlaw-adlaw nga paghipos ug pagpangolekta sa basura. Nitambong sa turnover ang pipila ka opisyal sa siyudad, mga department head ug barangay kapitan.
Matud ni Vice Mayor Tomas Osmeña, padayon gihapon ang problema sa basura sa Cebu City ug daghan siyang madawat nga reklamo gikan sa katawhan. Iyang giingon nga kinahanglan gyud og mas lig-on ug malungtaron nga solusyon, lakip na ang posibilidad sa pagtukod og incinerator facility imbis magsalig lamang sa landfill.
Samtang, klaro ni Mayor Nestor Archival nga ang mga dump truck gipamalit gamit ang Local Disaster Fund ug gipangayo pa sa mga barangay sa miaging administrasyon. Iyang giingon nga ilang gitunol na kini karon aron magamit dayon sa mga barangay sa pagpalig-on sa koleksyon sa basura.
Ilalom sa kasabutan, ang mga barangay ang motubag sa gasto sa operasyon sama sa gasolina, maintenance ug manpower. Ang mga barangay nga nakadawat sa dump truck mao ang Duljo Fatima, Mabolo, Tinago, Labangon, Day-as, Pahina Central, Kinasang-an, Guba, Pasil, Basak San Nicolas, Basak Pardo ug Malubog, ug gilauman nga makatabang kini sa pagpanglimpyo ug kahimsog sa siyudad.
Source: Cebu City PIO
I via Renante Socia Lada