Nakig-alayon ang Cebu City Police Office o CCPO, alang sa umaabot nga selebrasyon sa Eid-Al-Adha 2026 aron masiguro ang kalinaw, kaluwasan, ug hapsay nga kalihokan sa siyudad sa Cebu.
Gidumalahan ni PCOL GEORGE V YLANAN, City Director sa CCPO, sa maong tigum giabiabi ang mga representante sa Office of Muslim Affairs and Indigenous Cultural Communities (OMAICC) ug sa Salaam Police Advocacy Group (SPAG) Cebu City Chapter.
Nakauban usab sa tigum sila ni PMAJ MARVIN B. FEGARIDO, Officer-in-Charge sa CCADU-CCPO, Directress Jeanath Alih Cortes sa OMAICC, ug SPAG President Brother Nurden Basang.
Ang tibuok panagtigom nagtutok sa pagpalig-on sa koordinasyon ug kooperasyon tali sa mga ahensya aron masiguro nga malinawon, luwas, ug hapsay ang pagsaulog sa Eid-Al-Adha 2026 sa Cebu City.
I via Renante Socia Lada