Gidayeg ug gihatagan og komendasyon sa Cebu City Government ang Cebu City Police Office tungod sa ilang paspas ug epektibong aksyon sa nahitabong insidente sa Operation Second Chance Center sa Barangay Kalunasan, Cebu City niadtong Abril 11, 2026.
Sumala sa report, nakahimo ang CCPO og hiniusang nga operasyon human nakaikyas ang kinatibuk-ang kinse (15) ka Children in Conflict with the Law (CICL) gikan sa maong pasilidad.
Tungod sa ilang paspas nga lihok ug maayong koordinasyon sa lain-laing mga otoridad, malampuson nga na-recover ang tanang CICL nga nakaikyas ug wala nakamugna og kadaut nga sitwasyon nga nahitabo sa komunidad.
Ang maong kalampusan usa ka ebidensya sa dedikasyon sa mga personnel sa CCPO sa pagpanalipod sa kalinaw ug seguridad sa siyudad, samtang gisiguro usab ang husto nga pag-atiman ug pagdumala sa mga CICL.
Nagpasalamat usab ang CCPO sa suporta ug pag-ila sa Cebu City Government, nga nagpalig-on pa sa ilang inspirasyon sa padayon nga serbisyo ug pagpanalipod sa katawhan sa Cebu City.
I via Renante Socia Lada