Gipagawas sa Cebu City Police Office (CCPO) ang pinakabag-ong update kabahin sa padayon nga search, rescue, ug retrieval operations human sa landslide sa Barangay Binaliw, Cebu City. Sumala sa report as of Enero 9, 2026 alas 7:00 sa gabii, mikabat na sa tulo (3) ang kumpirmadong patay sa insidente.
Sa maong update, 35 ka personalidad ang wala gihapon makit-i ug padayon pang gipangita sa mga rescue teams. Samtang 12 ka personalidad ang malampuson nga naluwas ug nahatagan na og hustong pag-atiman.
Padayon ang search and rescue operations sa tabang sa CCPO, Cebu City Government, CCDRRMO, ug ubang concerned agencies bisan pa sa lisod nga kahimtangan sa lugar. Giawhag sa kapulisan ang publiko nga magpabiling alerto, mosunod sa mga pahimangno sa otoridad, ug likayan ang pagduol sa delikadong lugar aron malikayan ang dugang nga aksidente.
Nagpadayon usab ang CCPO sa paghatag og update samtang naglihok ang operasyon alang sa kaluwasan ug kahimtang sa tanang apektadong indibidwals.
Source: CCPO
I via Renante Socia Lada