Miapil si Acting Cebu City Police Office (CCPO) Director PCOL Ricky C. Sumalde sa Cebu City Justice Zone Meeting nga gipahigayon kagahapon Hulyo 24, 2026 sa AAA Guadalupe, Cebu City. Gipangulohan ang miting ni Executive Judge Anacieto G. Debaltcos sa Regional Trial Court sa Cebu City.
Gitambongan ang maong kalihokan sa mga representante gikan sa City Prosecutor’s Office, Public Attorney’s Office (PAO), Cebu City Jail, DILG, Parole and Probation Administration, Integrated Bar of the Philippines (IBP) Cebu City Chapter, mga Civil Society Organizations, hudikatura, ug uban pang mga ahensya nga kabahin sa criminal justice system.
Atol sa tigum, gipaambit sa matag ahensya ang ilang mga update sa operasyon, gipadayag ang ilang mga kabalaka, ug gihisgutan ang mga isyu nga nanginahanglan og mas lig-on nga panagtinabangay aron mas mapaspas ug mapalambo ang pagdumala sa mga kaso.
Sumala sa CCPO, ang maong panagtigom maoy usa ka importante nga lakang aron mapalig-on ang koordinasyon sa tanang ahensya ug masiguro ang mas episyente, paspas, ug hapsay nga paghatag og hustisya alang sa katawhan sa Cebu City.
📸 CCPO
I via Renante Socia Lada