Nasikop sa kapulisan ang usa ka drug suspek atol sa gipakusog nga foot patrol operation ubos sa “Oplan Bulabog” sa Sitio Puntod, Barangay Mambaling, Cebu City niadtong Mayo 19, 2026.
Ang operasyon gihimo sa mga personnel sa Police Station 11 sa Cebu City Police Office ubos sa pagpangulo ni PLT Jay Ramos ug direktang pagdumala ni PCPT Arnel Sabando Ancheta, kauban ang TMRU personnel nga gipangulohan ni PCPT Meryl Pranza Causin.
Atol sa operasyon, narekober gikan sa suspek ang usa ka dako nga heat-sealed transparent plastic sachet nga adunay puti nga kristal nga substansya nga gituohang shabu.
Sumala sa kapulisan, gibana-bana nga mokabat sa 50 gramos ang gibug-aton sa nakompiskar nga drogas nga adunay kantidad nga ₱340,000 base sa Standard Drug Price.
Sa pagkakaron, gipriso na ang nadakpang suspek sa custodial facility sa Police Station 11 samtang giandam ang kaso batok kaniya tungod sa paglapas sa Section 11, Article II sa RA 9165 o Comprehensive Dangerous Drugs Act of 2002.
Ang Cebu City Police Office mipadayag nga padayon nilang pakusgon ang kampanya batok sa ilegal nga drogas aron mapadayon ang kalinaw ug kaluwasan sa komunidad.
I via Renante Socia Lada