Naghimo og panagtigom ang Cebu City Environment and Natural Resources Office (CCENRO) ug ang DENR Environmental Management Bureau-7 (EMB-7) aron hisgutan ang mga lakang sa rehabilitasyon sa Butuanon River. Gitambongan kini sa mga representante sa nagkalain-laing negosyo aron mapalig-on ang ilang partisipasyon sa pagpanalipod sa suba.
Sa maong kalihokan, gipasabot sa mga partisipante ang proseso sa pagkuha og mga permit aron masiguro nga nagsunod ang mga negosyo sa mga balaod sa kinaiyahan. Gipaila usab ang Adopt-an-Estero/Water Body Program diin ang mga kompanya mahimong mo amuma ug motabang sa pag-ayo sa usa ka bahin sa suba o estero.
Gipresentar usab sa CCENRO ang kasamtangang mga programa ug mga hagit sa rehabilitasyon sa Butuanon River. Sumala sa opisina, dako ang papel sa panaghiusa sa gobyerno ug pribadong sektor aron mapanalipdan ug mapadayon ang kalimpyo sa suba alang sa umaabot nga mga henerasyon.
I via Renante Socia Lada