Sa prisohan na magsaulog sa Pasko ug Bag-ong Tuig ang 43 anyos nga lalaki nga giila sa alyas “BRO”, human siya nadakpan sa buy-bust operation sa Guadalupe Police Station 9 niadtong Disyembre 21, 2025, sa Villa Remedios, Brgy. Kalunasan, Dakbayan sa Sugbo.
Ang operasyon gipangulohan ni PCPT Venstine Bontilao, hepe sa Guadalupe Police Station. Matud sa kapulisan, ang suspek nalista isip high value individual sa local drug watchlist. Atol sa operasyon, nasakmit sa iya ang 70 gramos sa gituohang shabu nga gibanabanang nagkantidad og ₱476,000, lakip ang buy-bust money ug usa ka belt bag nga gigamit isip sudlanan sa drogas.
Tungod niini, nag-atubang karon ang suspek og daghang kaso sa pagpamaligya ug paghupot sa ginadiling drogas ubos sa Sections 5 ug 11, Article II sa RA 9165 o ang Comprehensive Dangerous Drugs Act of 2002.
Gidayeg ni Cebu City Police Office OIC PCOL George V. Ylanan ang Guadalupe Police sa ilang malampusong operasyon batok sa iligal nga drogas.
Mipasalig usab siya nga padayon ug hugot ang kampanya sa kapulisan batok sa drogas ug kriminalidad aron masiguro ang kaluwasan sa katawhan sa Cebu City.
Source: CCPO
I via Renante Socia Lada
#rpndykccebu
#675hzamband
#tandemexpress