Balhug na sa prisohan ang 21 anyos nga lalaki nga giila isip Top 4 Most Wanted Person sa provincial level, human siya nadakpan sa mga pulis sa Talamban Police Station 8 tungod sa kasong rape.
Ang pagdakop gihimo niadtong Disyembre 20, 2025 sa Sitio Cadauhan, Barangay Talamban, pinasikad sa warrant of arrest. Ang operasyon gipangulohan ni PCPT Wilmer M. Castillo, hepe sa Talamban Police Station 8. Ang suspek nag-atubang og kaso ubos sa RA 8353 o ang Anti-Rape Law.
Sumala sa kapulisan, ang warrant of arrest gi-isyu sa Regional Trial Court, Branch 22, Cebu City niadtong Disyembre 15, 2025, ug walay girekomendar nga piyansa.
Kasamtangan, anaa ang akusado sa kustodiya sa Talamban Police samtang nagpaabot sa dugang legal nga proseso, ug gipahibalo na usab siya sa iyang mga katungod.
Gidayeg ni Cebu City Police Office Officer-in-Charge PCOL George V. Ylanan ang Talamban Police sa ilang walay hunong nga paningkamot ug dedikasyon sa pagdakop sa mga wanted persons.
Gimandoan usab niya ang tanang unit sa kapulisan nga ipadayon ug palig-onon ang kampanya batok sa mga kriminal aron masiguro ang mas malinawon ug luwas nga Dakbayan sa Sugbo alang sa tanang lumulupyo.
Source: CCPO
I via Renante Socia Lada
#rpndykccebu
#675hzamband
#tandemexpress