Nagmalampuson ang gihimo nga buy-bust operation sa mga sakop sa Philippine Drug Enforcement Agency (PDEA-7) batok sa langyaw ug mga kaubanan.
Ang operation gihimo pasado alas 4:10 kagahapon sa hapon, Nobembre 29,2022, didto kini sa usa ka Condominium unit, nga nahimutang sa Barangay Apas, Dakbayan sa Sugbo.
Giila sa PDEA-7 ang ilang subject sa maong operation nga mao si Allan Ross, 44 anyos ang panuigon, British national, web designer ug kasamtangan nagpuyo sa maong lugar.
Naaktuhan usab ang iyang mga besita nga sila si Miraflor Verona, 30 anyos , jobless, ug Jasmin Hyacinth Medez, 19 ang pangidaron, tinun-an sa kolehiyo.
Segon sa taga PDEA-7 ng ang maong unit gihimong drug den o suyupanan sa mga durugista.
Mga binultong shabu ang nakuha sa ilang position nga adunay timbang nga 50 grams ug market value nga P340,000, lakip usab nga nakuha ang cellphone ug mga kagamitan sa pagsuyop.
Pinaagi sa sub-sub nga monitoring sa taga PDEA-7 ilang nasayran ang binuhatan sa langyaw nga naghimo og drug den sud sa unit nga kiyang giabangan.
Kasong kalapasan sa Sections 5, 6, 7, 11, and 12, Article II sa RA 9165 ang ipasaka batok sa mga suspetsado. (Renante Lada, photo courtesy of PDEA-7)