Wala nay kinabuhi nga niabot sa tambalanan ang usa ka amahan samtang naangol usab ang bayong-bayong human sila gipangpusil.
Nahitabo ang krimin pasado alas 3:50 kaganihang kadlawon, Mayo 16, 2024, didto sa Sitio Cabulihan, Barangay Baliang, siyudad sa Danao.
Ang biktima naila sa Danao City Police Station nga mao si Noel Hermoso, 37 anyos ang panuigon, ug ang pag-umangkon nga nagpangidaron og 17 anyos, pulos sila residenti sa naasoy nga lugar.
Sa imbestigasyon sa kapulisan nasayran nga gipasanginlang ang anak ug ig-agaw nga maoy nitumba sa motor.
Sa kasuko sa mga suspetsado didto sa basketbolan ilang gituok ang mga biktima, tungod sa pagtoo nga mao kini ang nitumba sa motorsiklo nga nabali ang plaka niini.
Niuli ang anak aron magpalaban sa iyang amahan, apan sa pag adto na sa amahan gipusil na nuon kini sa makadaghang higayon nga maoy hinungdan sa iyang kamatayon, lakip usab nga gipusil ang menor de edad nga naigo sa paa.
Daling nisibat ang mamumuno human nabuhat ang maong krimin. (Renante Lada | Angkol Ting Joe)