Sa FB Page post ni Bohol Governador Erico Aris Aumentado iyang gipahibalo nga siya ug laing 68 ka mga opisyalis ipaubos sa preventive suspension.
Kalabot kini sa pagtukod sa Captains Peak Garden and Resort, tunga-tunga sa Chocolate Hills, didto sa lungsod sa Sagbayan, Bohol.
Ang maong resort nahimong kontrobersiyal human nasayran nga wala kini Environmental Impact Assessment (EIA), Environment Compliance Certificate (ECC), ug Special Use Agreement in Protected Areas (SAPA) gikan sa Environmental Management Bureau (EMB) sa Department of Natural Resources (DENR)
Si Gov. Aumentado uban sa laing mga opisyalis mag atubang kini og Grave Misconduct, Gross Neglect of Duty and Conduct Prejudicial to the best interest of the service.
“Samtang gipa ilawom ako ug ang laing 68 ka mga opisyales sa probinsiya sa preventive suspension sulod sa unom ka bulan, akong hangyo sa mga kauban natong empleyado sa kapitolyo nga magtinarong ta sa atong trabaho. Ampingi ninyo ang atong mga saad sa katawhan ug padayon kita sa pagserbisyo luyo niining atong gisagubang nga dakung pagsulay karong panahona.Isalig nato ni tanan sa atong Labaw’ng Makagagahom,” segon ni Gov. Erico Aris Aumentado.
Sa pagkakaron ang kampo ni Gov. Aumentado nihimo na usab og lakang kabahin sa preventive suspension nga gipagawas sa Ombudsman Visayas. (Renante Socia Lada)