Cebu: Bird flu maka takod sa mga tawo, matod sa DOH; Gwen ug Rama mi ban sa fowl gikan sa Luzon

0
157

Cebu City – Usa ka adlaw human mimando si Cebu Governor Gwendolyn Garcia pag ban sa pagsud sa mga buhing manok, mga itlog gikan sa Luzon, misunod sab ang kagamhanan sa Syudad sa Sugbo sa samang pag ban sugod sa Hwebes, Marso 10, 2022.

Visit RPN DYKC Cebu

Tinguha sa maong lakang ang pag protehir sa poultry industry ug mga konsumidor nonot sa pahimangno sa Department of Health (DOH) nga ang influenza, nga na detect sa mga ducks ug quails gikan sa Luzon, mahimong makatakod gikan sa fowls ngadto sa mga tawo.

Miluwat si Gov. Garcia ug Executive Order 9, pagka Marso 9 nga mag ban sa importation sa mga live poultry, wild birds, lakip na ang day-old chicks, semen, fresh eggs, embryonated eggs, fertilizer ug ubang poultry products gikan sa Luzon suds a 45 ka adlaw gumikan sa hulga sa “highly pathogenic avian influenza (HPAI) virus type H5N! o bird flu.

Mi epekto ang EO 9 , Marso 8.

Gipahibaw ni Mayor Rama, pagka Miyerkules nga sugod sa Hwebes, ang syudad dili na sab modawat ug mga manok ug ubang poultry products gikan sa Luzon.

Matod sa mayor nga ang mga kaso sa bird flu ug African swine fever (ASF) kinhanghang seryosohon sama sa gihimo sa Kapitolyo.

Gi ban sab sa probinsya ang pagsud sa live pigs ug iyang mga produkto diri sa Sugbo gumikan sa hulga sa ASF nga nagsugod niadtong 2019.

Kini maoy manalipod sa balor ₱ 11 billion nga hog industry sa lalawigan, nga pabiling ASF-free.

Nanghinaut si Rama nga ang mga syudad sa Mandaue ug Lapu-Lapu mohimo ug samang kamanduan.

“I support the governor and wish that it will all be the tri-cities at the same time. So that has become one Cebu island,” panghinaut ni Rama.

Sa iyang bahin, si Dr. Jessica Maribojoc, officer-in-charge sa City Department of Veterinary Medicine and Fisheries, nagkanayon nga ang ilang buhatan nag monitor pagpakgang nga makasud ang dressed chicken, balut (duck embryo), duck eggs ug ubang byproducts gikan sa Luzon.

Ang DOH Central Visayas, Chief pathologist Dr. Mary Jean Loreche mi advise sa mga konsumidor pag practice ug hygienic handling sa tanang poultry meat ug ubang meat products nga ug lutoon ug sakto.

“Human beings can get infected if the virus gets into the eyes, nose, mouth or even inhaled in air,” pahibaw ni Loreche. (Jhon Tadlip)

(Source: Cebu City Mayor’s Office | Cebu Provincial Government, photo courtesy by Jhon Tadlip)

Leave a Reply