Hilak og kaguol ang gibati sa mga ginikanan human naapil sa pagkapaig sa sunog ang ilang anak.
Ang biktima nga batang lalaki mao si Jaydane Reil Puza, 11 ka buwan ang panuigon.
Gitubag sa kabomberohan ang sunog didto sa Bohol Village, Spolarium Street, Barangay Duljo Fatima, Siyudad sa Sugbo.
Pasado alas 8:24 kagabii nadawat ang alarma sa sunog, gisaka sa first alarm pagka 8:29 ug na fire out pagka 8:50 sa kagabhi-on.
Sa imbestigasyon nga gihimo sa kabomberohan sa Siyudad sa Sugbo, nasayran nga ang inahan ug amahan wala atong higayuna sa pag ulbo sa sunog kay adunay gilakaw ug ang apuhan lang sa bata maoy nagbantay.
Si Marino Millomeda, 50 anyos ang panuigon, maoy kauban sa bata atong higayuna apan gibiyaan lang ang bata didto sa ikaduha nga andana sa ilang balay.
Gituhuan nga tungod sa kandila niulbo ang maong sunog kay tulo na ka buwan walay kuryinte ang namuyo sa maong balay.
Napaso usab ang apuhan, inahan ug amahan nga nisuway pagluwas sa bata nga atua sa imabaw nga bahin sa ilang balay natulog.
Nidanyos og P12,500 ang naasoy nga sunog og nikutlo og usa ka kinabuhi. (Renante Lada, photo credits to the owner)