Usa ka 38-anyos nga babaye ang namatay human maaksidente sa Cansaga Bay Bridge sa Barangay Paknaan, Mandaue City niadtong Hunyo 9, 2026.
Ang biktima giila nga si Junalyn Nayon Capoy. Base sa inisyal nga imbestigasyon sa kapulisan, nagmaneho siya sa iyang motorsiklo sa dihang nabanggaan kini sa usa ka truck nga gimaneho sa 57-anyos nga si Roger Sinto Soreño.
Tungod sa kusog sa bangga, natumba ang biktima ngadto sa karsada ug naligsan sa maong truck. Dako ang mga samad nga iyang naangkon nga maoy hinungdan sa iyang kamatayon.
Matod sa drayber, wala siya makabantay nga adunay nahitabong aksidente maong mipadayon siya sa pagpadagan sa sakyanan human sa insidente.
Apan wala madugay, nadakpan siya sa mga sakop sa Traffic Enforcement Agency of Mandaue (TEAM) duol sa Pacific Mall sa U.N. Avenue. Padayon karon ang imbestigasyon sa mga otoridad aron matino ang tibuok kahimtang sa maong aksidente.
📸 Contributed
I via Renante Socia Lada