Gawasnon na ang 41 anyos nga abogado, residente sa Sacred Heart Village, Barangay San Isidro, Talisay City, human kini nakapiyansa sa mga kasong iyang giatubang sa korte.
Si Mapalo gidakop sa mga kapulisan sa Talisay City human mangayo og tabang ang iyang amahan nga nagreklamo nga gitiunan siya og armas sa iyang anak atol sa ilang panaglalis sa miaging mga adlaw.
Sa pag-abot sa mga pulis sa lugar, wala na nila masakpi ang aktuwal nga insidente sa pagpani-on. Apan ilang nakumpiskar ang armas nga giingong gigamit sa maong hulga ug ilang gidala isip ebidensya sa imbestigasyon.
Sa pagsusi sa mga otoridad, giingong miangkon si abogado nga walay lisensya ug mga papeles ang armas nga iyang gigamit. Tungod niini, dali siyang gidakop ug gipasakaan og kasong may kalabutan sa ilegal nga pagpanag-iya og armas.
Giatubang karon ni akusado ang kasong grave threats ug paglapas sa Republic Act 10591 o ang balaod batok sa ilegal nga pagpanag-iya ug paggamit og armas. Apan tungod kay ang duha ka kaso mapiyansahan, gitugotan sa korte nga makagawas siya samtang nagpadayon ang pagdungog sa iyang mga kaso.
I via Renante Socia Lada