Usa ka babaye nga angkas sa motor ang namatay human masaghiran ug nalatayan sa ka trailer truck sa Barangay Tuyan, Dakbayan sa Naga, pasado alas 11:30 sa gabii, Disyembre 20, 2024.
Ang biktima mao si Thotsie Suico, 24-anyos, sakay ni Kyle Lanas, 24-anyos.Pulos sila taga didto sa maing dakbayan.
Naangol usab si Lanas human kini nalabay dihang nag-overtake sila sa maong trailer truck.
Base sa imbestigasyon sa Naga City Police Station nga gipangulohan ni PSMS Jake Catane,
nag-una sa dalan ang motor ug nagsunod ang trailer truck. Pag-abot sa lugar, nisulay og overtake ang truck apan nasaghiran niini ang motor. Tungod niini, napasok sa ilawom sa truck si Suico ug nalatayan, samtang nalabay si Lanas.
Ang drayber sa trailer truck nga si Wilfredo Espina gidakop ug kasamtangang gitanggong sa Naga City Police Office.
Gipaabot pa ang desisyon sa pamilya ni Suico kung ipasaka ba ang kaso batok kang Espina. (Renante Socia Lada)