Usa ka malampusong buy-bust operation ang nahimo sa Mandaue City Police Office batok sa usa ka High-Value Individual (HVI).
Didto kini sa M. Logarta Street, Barangay Subangdaku, Mandaue City, pasado alas 7:33 sa gabii, Desyimbre 20, 2024.
Ang suspetsado naila nga si Kent Kirk Calonge Ponsica, alyas “Kirk,” 29 anyos, adunay live-in partner, ug residente sa #5 Figueroa Street, Barangay Sawang Calero, Cebu City
Sa nasayran nga usa ka koordinasyon ang maong buy-bust operation ang gihimo pinaagi sa kolaborasyon sa mga ahensya sama sa CIU/CDEU (City Intelligence Unit/City Drug Enforcement Unit) sa Mandaue City Police Office (MCPO) ug sa Philippine Drug Enforcement Agency (PDEA).
Ang operasyon misangpot sa pagdakop sa giingong suspetsado ug sa pagsakmit sa 4.5 ka kilos nga gituhuan shabu, nga adunay kantidad nga Php 30,600,000.00.
Kini nga operasyon usa ka dakong kalampusan sa kampanya batok sa ilegal nga drogas.
Sa pagkakaron giandam na ang tukmang kaso isip kalapasan sa Sec. 5 ug Sec. 11, Art. II sa R.A. 9165 (Comprehensive Dangerous Drugs Act of 2002). (Renante Socia Lada)
(Source: MCPO)