Imbes na mudu-aw sa piniriso gi priso na hinuon ang usa ka babaye human nakuhaan og ginadiling drugas sa iyang kinatawo.
Nahitabo kini gahapon sa hapon, Pebrero 13, 2024, didto sa Mandaue City Jail, Barangay Looc, dakbayan sa Mandaue.
Ang suspetsado giila nga si Genalyn Ople, 27 anyos ang panuigon, taga Barangay Canduman, siyudad sa Mandaue.
Sa imbestigasyon sa Mandaue City Police Office, Station 3 na ang suspetsado nasangit atol inspection sa Mandaue City Jail.
Nakuhaan kini og ginadiling drugas, cellphone, foil, tabako na giputos og condom og gipasok sa iyang kinatawo.
Nasayran na nidu-aw unta si Ople sa iyang hinigugma na priso apan wala nagmalampuson ang iyang pagpalusot sa mga kontra bando.
Sa pagkakaron giandam na ang tukman kaso batok sa suspetsado.
(Renante Socia Lada, photo courtesy by MCPO)
