33 C
Manila
Wednesday, April 24, 2024

Dipolog: Programa ni Gov. Jalosjos nga gugma-ayuda, mi-arang kada na usab ning lalawigan Zamboanga Del Norte

- Advertisement -

Ang Governor ning lalawigan sa Zamboanga del Norte nga si Gov.Rosalina “Nanay Nene” Jalosjos, nipatigayon na usab sa ikaduhang higayon sa iyang programang Gugmang Ayuda para sa ikatulong distrito ning probinsya sa Zamboanga del Norte.

Ang maong programa una nang napatigayon sa Godod Zamboanga del Norte atol sa pag selebrar sa ika-42 ka tuig nga anibersaryo sa nasangpit nga lungsod, ug kini dungan sa kasaulogan sa ika-34 nga tuig nga anibersaryo nga nakapabenipesyo sa mga lumulupyo sa Kalawit, Zamboanga del Norte.

Atol sa maong programa, Si Gov. Jalosjos nipadayag sa iyang mensahe ug nipabati sa iyang pahalipay ngadto sa mga Kalawitnon ug ilabi na sa kanhi DILG Undersecretary for Barangay Affairs ug Executive Assistant IV, Ms. Marjorie Jalosjos, kinsa nanguna niining mabulukong selebrasyon sa Kalawit.

Si Executive Assistant IV Ms. Marjorie Jalosjos mipahayag usab sa iyang punto nga ang mabagang duot sa katawhan nga miduyog sa maong kalihokan maoy pagmatuod nga walay imposible nga makab-ot ang kalampusan kon ang tanan magkahiusa lamang ug magtinabangay alang sa kalambuan sa lalawigan sa Zamboanga del Norte.

Si kanhi kongresista sa ikatulong distrito sa Zamboanga del Norte, Mr. Cesar Jalosjos nagkanayon usab nga ang serbisyong gidala sa Kagamhanang-Probinsyal ilalom sa pagpangulo ni Governor Jalosjos sa lungsod sa Kalawit, uban sa nagkalain-laing buhatan sa lalawigan maoy nagpa matuod sa kamatinud-anon ug hingpit nga pag paabot gayod hangtud sa pinaka suok nga dapit sa lalawigan ang makatagamtam subay sa tema nga “Misyon ko, Tinuod nga Serbisyo” nga matod pa mapahimuslan sa tanang ZaNortehanon.

Sa samang higayon, ang programa gisalmotan sa mga opisyales sa ikatulong distrito nga gipangunahan ni Vice Mayor Merly Masugbo ug Poblacion Punong-Barangay Honorable Jovelyn Tan kang Governor Jalosjos alang sa mga ayudang gidala niini sa ilang lungsod nga ilang gipasalamatan pag ayo atol sa pakigduyog sa selebrasyon.

Dugang pa, Si Board Member Hon. Franco Angelo Buctuan sa ikatulong distrito sa Zamboanga del Norte mipasalamat sa gobernador sa paghatag ug pagtagad sa mga yanong lungsoranon.

Ang mga Kalawitnon nakabenepisyo sa serbisyong-medikal nga gihatag sa Provincial Health Office nga gipanguluhan ni Provincial Health Officer Dr. Eduardo Luayon, Dr. Jane Jaug ug Rural Health Unit sa Kalawit.

Dugang pa, adunay 392 ang nahatagan ug libreng konsultasyon ug tambal, 122 ang naibtan ug ngipon, 63 ka mga bata ang natuli, ug 21 ang nabakonahan sulod sa edipisyo sa RHU-Kalawit.

Si Office of the Provincial Agriculturist Ms. Maybel Bustaliño nanghatag ug 1,025 ka pakete sa binhi sa white ug yellow corn, 6,300 ka pakete sa nagkalain-liso sa mga utanon, 1,000 ka pakete sa abono, 520 ka semilya sa mga prutas-igtalanom, ingon man pag-andam sa pagkaon sa tanan sa mga misalmot sa maong programa.

Samtang, Sa laing bahin, Si Office of the Provincial Veterinarian ilalom sa pagdumala ni Dr. Dawn Sunday Bagatua migahin usab ug purga sa 3,458 ka kalabaw, baka, kanding, baboy, manok, pato, bebe, ingon man bitamina kon food supplement ka mga baka, kalabaw, kanding, baboy, manok, kabayo, pato ug mga bebe, ug 520 ka mga ice cream.

Uban usab sa koordinasyon sa Provincial Legal Office Team,nga mao ang mihatag ug serbisyong legal sa katawahan ug sa pakigtambayayong sa Provincial Social Welfare and Development Office nga gipanguluhan nila ni PSWDO Head Mr.Alex Sabal ug Ayuda ni Nanay Nene Focal Person Mr. Jervis Jalosjos,alang sa pag apod-apud sa 4,850 ka tag-3 kilos nga bugas alang sa mga katawhan sa Kalawit.

(Medalyn U. Borja)
(Source: Provincial Government of Zamboanga Del Norte)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -