Sa ulahing kalambuan sa imbestigasyon sa San Remigio Police Station nasayran nga aduna nay gitumbok nga suspetsado sa kamatayon sa usa ka babaye nga napalgan daplin sa dalan.
Nahitabo kini niadtong petsa 18 ning bulan sa Oktobre 2024, didto sa Brgy. Victoria Lungsod sa San Remigio, Sugbo.
Ang biktima naila nga mao si Jocelyn Ababa, 37 anyos ang panuigon, lumad nga taga Negros Oriental.
Giila usab ang suspetsado nga mao si Peter Arnado, 37 anyos ang pangidaron, lumad nga taga Lungsod sa Sogod Sugbo.
Sa imbestigasyon nasayran nga ang duha niadto sa usa ka pista sa maong lugar sa dihang nag selos ang suspetsado sa iyang kaipon.
Sa kalagot niini iya kining gidunggab sa makadaghang higayon daplin sa dalan na dugay nahibaw-an ug naila.
Sa pagkakaron padayon nga gipangita sa kapulisan ang mamumuno nga daling nisibat human niya nabuhat ang maong krimin. (Renante Lada)