Nagmalampuson ang pagpahigayon sa Payout alang sa 74 ka mga benepisyaryo sa “Assistance to Individual in Crises Situation (AICS)” nga gitanyag alang sa lain-laing barangay ning syudad sa Dipolog nga gipahigayon sa Museo ning dakbayan, Oktubre 17,2024.
Ang maong pag apod-apod gisalmotan sa Mayor ning dakbayan sa Dipolog nga si City Mayor Darel Dexter T. Uy, nga nipa ambit sa iyang mahinungdanong mensahe ngadto sa kagamhanang lokal ning dakbayan ug ilabi na sa mga benepisyaryo sa maong programa.
Sa maong pag apod-apod 26 ka mga benepisyaryo ang nakadawat sa tag ₱5000 ka pesos alang sa Burial Assistance, ug 48 usab ka mga benepisyaryo ang nakadawat og ₱3000 ka pesos alang sa Medical Assistance,gikan sa panudlanang pundo kagamhanan ning syudad sa Dipolog.
Pinaagi sa pamunuon sa Mayor ning dakbayan sa Dipolog nga si Mayor Darel Dexter T. Uy, mapasalamaton ang matag benepisyaryo alang sa ayuda nga nadawat, tungod kini dako kaayo og tabang alang sa ilang mga panginahanglanon sa aspetong medikal ug burial, diin pinaagi niini, nabati ang pagpakabana sa kagamhanang lokal ning syudad. (Medalyn U. Borja)
(Source: Dipolog City Government)