Patay diha-diha dayon ang usa ka drayber sa motorsiklo human napasok sa gikasugat nga container truck.
Nahitabo kini alas 12:00 sa tungang gabii, Oktobre 19, 2024, didto sa Barangay Busay sa Dakbayan sa Sugbo.
Ang biktima nga nakalas giila sa Cebu City Police Office nga mao si Steven Amodia Ompad, 23 anyos, taga Barangay Basak, Dakbayan sa Lapu-Lapu ug ang naangol giila nga si Gerald Dignos, 18 anyos ang pangidaron.
Sa imbestigasyon sa kapulisan nasayran nga ang duha ka mga sakyanan nagbiyhai sa managlahing direksiyon apan sa pag abot na sa naasoy nga lugar kalit lang nawad-an sa kontrol ang drayber sa motor og ni derestso kini sa truck nga gimaniho ni Elmar Lepon.
Naligsan gyud si Ompad na maoy hinungdan sa iyang kamatayon, sa pagakakaron gihimo pa ang dugang imbestigasyon sa kapulisan ug gitanggong pa usab ang drayber sa truck. (Renante Lada)