Malampusong nahuman ang Senior Economic Officials’ Meeting (SEOM) sa ASEAN sa Panglao, Bohol gikan Enero 15 hangtod 31, 2026, ug ang ASEAN Tourism Forum (ATF) 2026 sa Cebu gikan Enero 28 hangtod 30, 2026, uban sa uban pang kalihokan, sumala sa Police Regional Office 7 (PRO7).
Nahimo kini nga malampuson tungod sa hapsay ug komprehensibo nga seguridad sa PRO7, nga nagseguro sa kaluwasan sa ASEAN officials, delegates, participants, ug sa katawhan sa Central Visayas pinaagi sa proactive ug intelligence-driven nga operasyon.
Ang maayong pag-host sa mga internasyonal nga kalihokan nagpamatuod usab nga ang Central Visayas usa ka kasaligan nga lugar alang sa world-class events, nga nagtapok sa tourism ministers, senior officials, ug mga lider sa industriya gikan sa ASEAN member states ug partner countries.
Sa pagpangulo ni PBGen Redrico A. Maranan, Regional Director sa PRO7, gi-coordinate ang tanang plano ug operasyon sa seguridad aron masiguro ang hapsay nga pagdumala sa balaod sa wala pa, pagpadayon ug human sa mga kalihokan. Kapin sa 7,000 ka personnel sa police ug emergency response ang na-deploy, uban sa suporta sa mga local units ug air assets sama sa helicopters para sa surveillance ug rapid response.
Gipahimutang usab ang Explosive Ordnance Disposal (EOD) ug K9 units sa mga key entry points, hotels, ug event venues, samtang ang mga Police Assistance Desks (PADs) nagserbisyo sa publiko sa tibuok kalihokan. Tungod niini, nahimo ang ASEAN SEOM ug ATF 2026 nga hapsay ug malinawon.
PBGen Maranan mi-awhag sa dedikasyon ug pagkamaayo sa mga personnel sa PRO7 ug partner agencies, ug miingon nga ang malampusong kalihokan nagpamatuod sa kahimtang sa operational readiness sa PNP.
Bisan pa sa taas nga duty hours ug security challenges, nagpabilin nga determinado ang PRO7 sa ilang misyon aron mapadayon ang kaluwasan ug kasaligan sa mga international events sa Central Visayas.
Source: PRO7 PIO
I via Renante Socia Lada