Gihatagan og pasidungog sa Police Regional Office 7 (PRO7) ang kapolisan nga nagpakita og maayo nga liderato ug serbisyo sa seguridad sa ASEAN Summit Tourism Forum 2026, nga gihimo sa Bohol ug Cebu gikan Enero 15 hangtod Pebrero 1, 2026. Ang seremonya sa paghatag sa awards gipahigayon sa Monday Flag Raising Ceremony niadtong Pebrero 2 sa Camp Sergio Osmeña Sr., Cebu City.
Gihatagan og Medalya ng Kagalingan si PCOL Abubakar U. Mangelen Jr., PCOL Agosto P. Daskeo, ug PCOL George Ylanan tungod sa ilang epektibong pagdumala sa seguridad sa summit. Si PCOL Ylanan usab nakadawat og Medalya ng Papuri alang sa iyang maayo nga pagserbisyo sa usa ka dili awtorisado nga motorcade rally sa panahon sa summit.
Dili lang sila, apil usab si PCOL Patricio Degay Jr. ug ubang Task Unit Commanders sa Bohol ug Cebu nga gipasidunggan sa ilang kontribusyon sa kaluwasan ug hapsay nga dagan sa kalihokan.
Sa mensahe ni PBGen Redrico A. Maranan, Regional Director sa PRO7, giila niya ang kakugi ug dedikasyon sa tanang miyembro sa PRO7 sa pagsiguro nga hapsay ug luwas ang ASEAN Summit samtang nagpadayon usab ang seguridad sa Sinulog Festival 2026. Giingon niya nga ang maong kalihokan nagkinahanglan og maayong plano, koordinasyon, ug pasensya gikan sa kapulisan.
Sa katapusan, gi-congratulate ni PBGen Maranan ang mga awardees ug gihangyo ang tibuok PRO7 workforce nga ipadayon ang maayong serbisyo uban sa integridad ug responsibilidad.
Source: PRO7 PIO
I via Renante Socia Lada