Nakabsan gyud sa kinabuhi ang usa ka asawa human gi-unay pagdunggab sa bana.Ang insidente nahitabo sa Barangay Poblacion, Talisay City, niadtong Abril 19, 2025, pasado alas 5 sa hapon.
Gi-ila ang suspetsado nga si Roston Gabulo Solon, 38 anyos, nga midunggab sa iyang asawa nga giila lamang sa alyas nga Nerie. Base sa inisyal nga imbestigasyon, giingong nagsugod ang insidente sa panaglalis tali sa magtiayon tungod sa selos ug personal nga mga problema.
Ang kapulisan sa Talisay nagkanayon nga hubog ang suspetsado sa panahon sa krimen. Sa ilang pakighinabi kang Solon, kalma kining mitug-an nga wala siya’y pagbasol sa gibuhat ug malipay siya kung mamatay ang iyang asawa.
Ang suspetsado nadakpan dayon sa kapulisan ug kasamtangang gibilanggo samtang naghulat sa pagsaka sa pormal nga kaso.
Padayon pang giimbestigaran sa mga otoridad ang maong insidente aron masuta ang tibuok motibo sa krimin.
I via Renante Socia Lada