Usa ka trahedya ang nahitabo sa dagat sa Barangay Manduyong,
lungsod sa Badian, Sugbo, niadtong Abril 19, 2025, human mitikyaob ang baroto nga gisakyan sa usa ka lolo ug iyang tulo ka apo. Ang lolo ug usa sa mga bata namatay, samtang ang duha pa ka apo naluwas.
Giila ang mga biktima nga sila si Silvio Verano, 67 anyos, ug Lhenyl Faith Verano Diez, 17 anyos, mga residente sa Barangay Bugas, Badian.
Sumala sa imbestigasyon sa kapulisan, naglawig ang grupo sakay sa baroto dihang kalit kini mitikyaob. Wala pa klaro kung unsa gyud ang hinungdan — posible tungod sa balod o nasubrahan sa timbang ang baroto.
Sa video nga nakuhaan sa hitabo, makit-an ang aktwal nga pagrescue sa mga responders sa lungsod. Gidali nila pagluwas ang mga bata ug gikuha ang lawas sa lolo ug usa ka apo nga wala na makaluwas.
Ang duha ka naluwas nga bata gidala sa ospital aron masuta ang ilang kahimtang. Nagpadayon karon ang imbestigasyon sa insidente aron mahibaw-an ang hinungdan ug malikayan ang susamang panghitabo.
I via Renante Socia Lada