Tulo ka tawo ang nadakpan human gibungkag sa mga operatiba sa PDEA Region 7 ug PNP ang usa ka drug den sa Barangay Tungkop, Minglanilla, Cebu niadtong Oktubre 11, 2025.
Usa sa nadakpan mao ang target sa operasyon nga nailhan sa alyas “Anol”, usa ka plea bargainer ug gituohang nagdumala sa maong drug den. Kuyog niyang nadakpan ang duha pa ka bisita nga miapil sa paggamit sa iligal nga drogas sulod sa balay.
Sumala sa balaod, ang pagdumala og drug den silotan og kinabuhing priso ug multa nga hangtod ₱10 milyon, samtang ang pagbisita sa drug den silotan og hangtod 20 ka tuig nga pagkabilanggo ug multa nga ₱500,000.
Padayon ang PDEA 7 sa ilang kampanya batok sa iligal nga drogas aron mapalgang ang pagdaghan niini.
Source: PDEA-7
I via Renante Socia Lada